ஆயுளை நீடித்து... ஆயர்வேதமாய் திகழும் மாமரம்!

மாமரம்

"வேத சத்திய மாக விளம்புவோந்தா

விர்த்திருக்குந் தம்பன மாங்கனி

போதம் மர்த்தனம் புன்காயி னால்வடு

வாத பித்த கபங்களை மாற்றுமே"

முகவுரை:

வேதத்தின் மீது ஆணையிட்டுக் கூறும் அகத்தியர் பாடல் வரிகளில் முக்கனி பழத்தில் முதன்மையான மாம்பழத்தால் தாது விருத்தி உருவாகும். தம்பனம் நேரம் கூடும், உடலில் வன்மையும் ஏற்படுத்தி உறவில் நாட்டத்தையும் மேம்படுத்தும். வாத பித்த கபச்சீற்றம் உண்டாகும் என்று இப்பாடல்வரிகள் கூறுகிறது.

"தாதுநட்டம் வாதந் தனிக்கிரந்தி யாம்பசி

போங்காது முட்டப் பக்குவிடுங்காயமதில்

ஓதுகின்ற பாங்காறாப் புண்வளரும் பற்கூசுஞ்

சொற்குளறும் மாங்காய்உண் பாரை மறு"

மாங்காய் அதிகமாக உண்ணுவதால் ஒருவருடைய உடலின் அல்லது நெருப்பு, சீதோஷ்ணம் போன்றவற்றின்) வெப்பத்தை அதிகப்படுத்தி தாது நட்டத்தை உருவாக்கும். காற்றின் மூலம் ஏற்படும்தோல் புண்ணை உருவாக்கும். உண்டு பசியைத் தணித்து விடும். கொப்புளங்கள் ஏற்படுத்தி ஆறாத புண்களைத் தோற்றுவிக்கும்.புளிப்பு மற்றும் கடினமான தன்மையாக இருப்பதால் அதைக் கடித்து உண்ணும் பற்களின் மேற்புறரத்தில் பூச்சு மூலம் பற்கூச்சம் ஏற்படுத்துமென ஆயுள் நீடித்து ஆயர்வேதமாய் திகழும் மாமரமகா அகத்தியர் குணபாடம் மூலம் தெரிகிறது.

மாமரம்:

முக்கனியின் முதன்மையான பழமான மாமரத்தின் தாயகமாக இந்தியா விளங்குகிறது. பல மாநிலங்களில் மாமரங்கள் இருந்தாலும் தமிழ்நாடு முதன்மை மாவட்டமாக திகழ்கிறது.

30 - 50 மீ உயரம் வளரக்கூடிய சூரிய வெப்பம் மிகுந்த நாடுகளில், வெப்ப காலங்களில் பலன் தரும் "மா" மரமாகும். இலைகள் பச்சை பசுமையாகவும் கொழுந்து கருஞ்சிவப்பு நிறத்துடன் மேலும் பூக்களானது கிளை நுனியில் கொத்து கொத்தாக உருவாகும் திறனை பெற்றது.

விரிவுரை:

புராதன மரமாகிய மாமரம் இலை, கொழுந்து, பூ, பிஞ்சு, காய், பழம், வித்து, மரப்பட்டை, வேர், பிசின், கொட்டை அனைத்து பகுதியும் இயற்கை மருந்தாகவும் உணவாகவும் மனித சமூகத்திற்கு ஆற்றல் புரிகிறது.

இந்தியாவின் தேசிய பழமாக மாம்பழம் குறிப்பிடப்படுகிறது. பழம்பெருமை வாய்ந்த வேதங்கள், புராணங்களில் மாம்பழம் பற்றி தகவல்களை பாடல்களின் மூலம் சாசனமாக வரையறுக்கப்பட்டுள்ளது.

பல குணங்களை கொண்ட மாமரங்கள் ஆயர்வேதமாய் உலக மக்களுக்கு படைசாற்றுகின்றன. மாவிலை தோரணங்கள் மற்றும் திருவிழாக்கலங்களில் உபயோகப்படுத்துவது காந்த சக்தியை ஈர்ப்பதற்கு மட்டுமல்லாமல், ஆரோக்கியமான அதிர்வலைகளை மாவிலை தோரணம் சுற்றுப்புறம் முழுவதும் பரவ செய்யுது சுற்றுப்புற சூழலை பாதுகாக்க பயன்படுகிறது.